នៅថ្ងៃទី ១៣ ខែតុលា ឆ្នាំ ២០២៦ នេះ ក្រុមហ៊ុនអវកាស SpaceX សហការជាមួយអង្គការ NASA បានធ្វើការបាញ់បង្ហោះរ៉ុក្កែត Falcon 9 ប្រកបដោយជោគជ័យ ក្នុងបេសកកម្មដឹកជញ្ជូនទំនិញពាណិជ្ជកម្មលើកទី៣៥ (CRS-35) ចេញពីមជ្ឈមណ្ឌល Space Launch Complex 40 នៅរដ្ឋ Florida។
 |
| Photo from: https://www.space.com/ |
យានអវកាស Cargo Dragon ដែលបំពាក់លើរ៉ុក្កែតនេះ ត្រូវបានបញ្ជូនឡើងទៅកាន់គន្លងគោចរដើម្បីដឹកជញ្ជូនស្បៀងអាហារ ឧបករណ៍ពិសោធន៍វិទ្យាសាស្ត្រ និងផ្ទាំងបន្ទះស្រូបពន្លឺព្រះអាទិត្យជំនាន់ថ្មី ជូនដល់ក្រុមអវកាសយានិកដែលកំពុងបម្រើការនៅលើស្ថានីយអវកាសអន្តរជាតិ (ISS)។ បន្ទាប់ពីការបាញ់បង្ហោះផ្នែកជំរុញទីមួយ (First Stage Booster) របស់រ៉ុក្កែត Falcon 9 បានវិលត្រឡប់មកចុះចតវិញដោយសុវត្ថិភាព ខណៈដែលយាន Dragon កំពុងបន្តដំណើរឆ្ពោះទៅកាន់គោលដៅដើម្បីធ្វើសមាហរណកម្ម និងតភ្ជាប់ជាមួយស្ថានីយ ISS តាមផែនការ។